Sommarutstilling hos Galleri Elisabeth G

20. juni opnar dørene til årets sommarutstilling hos Galleri Elisabeth G i Våge på Tysnes. For meg er dette ei utstilling fylt med stor glede, og eg ser fram til å dele ei samling bilete som alle ber på ei eiga lita forteljing om nærleik.

Bileta mine handlar om alt det usynlege som bitt oss saman. Eg har ynskt å fange dei flyktige augneblikka i kvardagen – eit blikk, eit streif av eit minne, eller spora etter eit levd liv som ligg att i eit rom eller eit landskap.

Med til Tysnes har eg med meg både kjære, kjente motiv og fleire heilt nye arbeid. Nokre av desse bileta har vakse fram over lang tid i tankane mine, medan andre har blitt til som spontane kjensler den siste tida. Felles for dei alle er kjærleiken til det ekte menneskemøtet og den roen naturen gjev oss.

Under finn du eit lite glimt av nye grafiske verk som ventar på deg i galleriet.

Galleri Elisabeth G har i mange år vore ein spesiell samlingsstad for kunst på Vestlandet. Det å få stille ut akkurat her, omkransa av den vakre naturen i Våge, gjer denne sommaren ekstra fin for meg.

Utstillinga opnar 20. juni klokka 17.00.

Om sommardagane fører deg forbi Tysnes, håpar eg du tek deg tid til å stogge litt opp og gå innom. Eg gler meg til å helse på deg!